نوم جاگه اصلی نه واز بکیت.

آدولف ھیتلئر (ڤئ دی ئوٙماە د ۲۰ آڤریل ۱۸۸۹ – د دونیا رأتە د ۳۰ آڤریل ۱۹۴۵) سأردیڤوٙنکار کاریزماتیک پارتی سوٙسیالیست زایارە یی کارئگأریا آلمان (پارتی نازی) بی. ڤئ مینجا سالیا ۱۹۳۳ تا ۱۹۴۵ صأدرئأظأم آلمان و د ۱۹۳۴ ڤئ ئوٙلا، هوم گات ڤا ڤئ ڤا داسوٙن گرینج نئهادیارکون رایش آلمان گأپ حوکوٙمأت می کئرد. ھیتلئر ڤا داسوٙن یئ گئل سأرڤاز کونە کار د جأن جأھوٙنی أڤأل أندوم پارتی نازی بی، ڤئ د سال ۱۹۲۱ بی ڤئ دیڤوٙنکار ئی پارتی. ڤئ د سال ۱۹۲۳ سی یە کئ أندوم یئ گئل کودئتا ناخوش سأرنجوم کئ د «کوٙدئتا ئوجۉفوروٙشی موٙنیخ» نوم دیار بییە مأکوٙم بی ڤئ د سأرگوڤاردئن ۵ سال زئنوٙن و د ھأمی گات بی کئ ڤئ کئتۉ جأنکاری مئ نە نیسأن. ھیتلئر نئھا د آزاد بییئن د زئنوٙ، ڤا دأرتیچ کاری ڤیر و باڤأردیاریا زایارە حایی، ضئد کومونیستی، جأنکاری ڤا جیدیا و ھأچایە کاریا نازار د ضئد تأڤافوق نومە ڤئرسای، کأسوٙنا فئرە یی د ڤولات آلمان حامیندارئش بییئن. هیتلئر د سال ۱۹۳۳ زایئشتی بی ڤئ صأدرئأعأظأم ڤولات آلمان. کومئلوٙس أرتئشی-صأنعأتی ڤولات آلمان د گات سأردیڤوٙنکاری ڤئ توٙنئس آز د دأس رأتە ڤولات آلمان نە د نۊ زئنە بأکە و ئی ڤولات نە بأکە یئ گئل د ڤولاتیا قۉئین ھوم پئیڤأند اروپا د ئو گات. هیتلئر سیاسأت خارئجی خوشە ڤا دال سیاسأت لئبنسراڤم نئھاداری کئرد و یئ گئل د دألیلیا أصلی و نازار پیش ئوٙمائن جأن جأھوٙنی دویوم چول کاری د ڤولات لأھئستان د سال ۱۹۳۹ بی کئ د کارگئرایی چئنی کونئشتکاری بی، کئ ڤولاتیا بئریتانیا و فأرانسە ئوٙمائن ری ڤئ ری ڤولات آلمان. د کارگئرایی چئنی کاری بی کئ مینجا دۊ گئل جأرغە یا نیروٙیا ری یأکاگئرئتە یا و نیروٙیا یأکاگئرئتە جأنگ بی و د ئی گات بی کئ ھومپئیڤأند ئوروٙپا و ھأمچئنی جایا فئرە یی د سأرتاسأر دونیا تیە دیار جأن و تألأفات فئرە یی بی. أرچی د گات سئ سال، آلمان و نیروٙیا یأکاگئرئتە ڤا ڤئ بیشتئر راساگە یا ئوروٙپا، بأرجا فئرە گأپی د ھوم پئیڤأند آفریقا، أفتونئشین آسیا و ھوم پئیڤأند جأھوٙن آڤ نە گئرئتئن ڤألی نیروٙیا ری یأکاگئرتئ د سال ۱۹۴۲ ڤئ نئھا، د ڤئنوٙ ئوٙمائن ڤا پیش و د سال ۱۹۴۵، رایش آلمان گأپ نە د چار قئر گئرئتن.

آدولف ھیتلئر
Bundesarchiv Bild 183-H1216-0500-002, Adolf Hitler.jpg
کئشیاری د ھیتلئر د سال ۱۹۳۸
پیشڤا آلمان
مٱشقۊل ڤ کار

۲ آگوست ۱۹۳۴ – ۳۰ آڤریل ۱۹۴۵

نوئا د پاڤئل فون ھیندئنبورگ (سأرکوٙمأرە)
دئما د کارل دونیتس (سأرکوٙمأرە)
صأدرئأظأم آلمان
مٱشقۊل ڤ کار

۳۰ جانڤیە ۱۹۳۳ – ۳۰ آڤریل ۱۹۴۵

سرکومرٱ پاڤئل فون ھیندئنبورگ
نوئا د کورت فون شئلایسئر
دئما د یوزئف گوٙبلئس
مٱشقۊل ڤ کار

۳۰ جانڤیە ۱۹۳۳ – ۳۰ آڤریل ۱۹۴۵

نوخوس ڤٱزير فرانتس فون پاپئن
دونسمنیٛا شخسی
ڤ دی اۊمائن بئران آئو ئم ئین
د دونیا رٱتن بئرلین، رایش آلمان گأپ
زایارٱڤٱندی آلمان نازی
پارتی سیاسی پارتی زایارە یی کارئگئریا سوٙسیالیست آلمان
هومسر ئڤا بئراڤن
جاگٱ ایسجایی شأرمأن ئوتریش تا سال ۱۹۲۵
کاٛسم سیاسأتکار
کاٛسمداری نئڤیسیار، سیاسأتکار، سأردیڤوٙنیار
دين کاتوٙلیک
اْمزا

ھیتلئر در روٙز ۲۹ آڤریل۱۹۴۵ د روٙزیا آخئر جأن بئرلین ئڤا براڤن نە کئ سی سالیا فئرە یی مأشوٙقە ش بی د زأنی حاس و یئ روٙز نئھاتئر د ئی روٙخ ڤأن یأنی د روٙز ۳۰ آڤریل، ڤاگئرد ھومسأرئش خودکوشی کئرد.

گات بأچە بییئنڤیرایئشت

 
بأچئ ییا آدولف هیتلئر
 
[جاگە ڤئ دی ئوٙمائن ھیتلئر، بئراڤنا آم آین
 
حوٙنئ یی کئ ھیتلئر گات دئما جئڤوٙنیشئ د ئوٙچئ د سأر گوڤاردە، عأسگ مال سال ۱۹۸۴ یە.

آدولف هیتلئر نئزیک ساعأت ۰۶:۳۰ ئیڤارە روٙز ۲۰ آڤریل ۱۸۸۹ د یئ گئل موسافئرخوٙنە د یئ گئل شأر مأرزی و کوچئک ڤا نوم بئران آئو ئم آین د ولات ئوتریش، کئ مینجا مأرز دۊ ڤولات ئوتریش و آلمان آلمان بی ئوٙما ڤئ دی. بوٙە ھیتلئر آلڤیس ھیتلئر (ڤئ دی ئوٙماە د سال ۱۸۳۷ –د دونیا رأتە د سال ۱۹۰۳)، یئ گئل کارمأن گیرینج ھار گومروک بی. دا ھیتلئر، کئلارا هیتلئر (ڤئ دی ئوٙماە د شأر پوٙلزئل)، دویومی میمئ زا آلڤیس بی.ڤئ شأش گئل بأچە زائی و تئنیا آدولف کئ دویومی بأچأش بی ڤا خوئر کوچئکئش پاڤلا د گات بأچە یی زئنە مأنئن. د گاتی کئ ھیتلئر سئ سالە بی حوٙنئڤادأش مالکأنوٙن کئردئن سی ڤولاتچە باڤاریا کئ ھا د ھارگە ڤولات آلمان.[۱] د سال ۱۸۹۴ حوٙنڤادە ھیتلئر رأتئن سی شأر لینز و تا گات بازنئشئسە بییئن بوٙە ھیتلئر د ئوٙچئ مأنئن، د ئی گات ھیتلئر چی یئ گئل بأچە ناشأکأت مأشغوٙل بازی و آموختارکاری د یئ گئل آموختارجا نئزیک حوٙنە شوٙ بی. بئرار ڤئ ئدموند د کارگئرایی مأرض سورخأک د ۲ فئڤریە ۱۹۰۰ د دونیا رأت و ئی روخ ڤأن یئ گئل کارگئرایی دایئمی ری ھیتلئر نیا و باعئث بی کئ ئتئماد ڤئ خود ھیتلئر فئرە زوئین با و ڤئ فئرە کأج خولق با. رابئطە ھیتلئر ڤا داش فئرە خوٙ بی ڤألی بأرعأسگ ڤئ رابئطە ڤئ ڤا بوٙأش فئرە گأن بی سی یە کئ بوٙأش ڤئنە فئرە میزە.[۲]. ڤا یە کئ ھیتلئر فئرە میھاس آموختارکار رئشنە ھونأر با ڤألی بوٙأش ڤئنە کئل کئرد سی مأدرئسە فأنی، ھیتلئر د نئھاتئر د کئتۉ خوش یأنی کئتۉ جأنکاری مئ گوت کئ «تأمارئزی مأنئم کئ بأتوٙنئم چأن سال ڤا دئما رأتئنی کئ بوٙأم سیم راس کئرد دوروس بأکئم». ھیتلئر حأتی د زئمینە سیاسأت ڤا بوٙأش فئرە جیاڤازی داشت، بوٙە ھیتلئر ئتئقات د ئمپئراتوٙری ئوتریش داشت ڤألی ھیتلئر می گوت کئ خودئ ئوتریش أم أندوم آلمان و ئمپئراتوٙری روٙم دئمادارە. نئھا د دونیا رأتئن بوٙە ھیتلئر د روٙز ۳ جانڤیە ۱۹۰۳ ڤئ مأدرئسە فأنی نە ڤئل کئرد. آدولف هیتلئر د کئتۉ جأنکاری مئ، دئبارە بوٙأش فئرە خوٙ قئسە میکە، ڤألی چئنی موٙە کئ تأصمیم ڤئ سی کئشیار بییئن باعئث بییە کئ مینجا خوش و بوٙأش جیاڤازی دوروس بوٙە.

جئڤوٙنیڤیرایئشت

 
هیتلر د ۱۰ ساله یی و مال مدرسه وه. هیتلر ها د عسک:اولی ردیف د وارو، چارمی د لا چپ.[۳][۴]

د سال ۱۹۰۵ ڤئ نئھا ھیتلئر د یئ گئل پأرڤأرئشت گا بوٙھامایی زئشت داشتە و داش ڤئنە زیر تیە خوش داشتە. ڤئ دۊ گئل د ساموٙنگە یا ھونأریا نازار ڤیئن (د سال ۱۹۰۷- د سال ۱۹۰۸) سی صئلادار نأبیئن د کئشیاری رأد بی. د ڤئ گوتئن کئ آزکاریا ڤئ بیشتأر د زئمینە مئعماریە. ڤئ د ڤیردیاریاش کئ نئشوٙدیارکون دئل رأتئ یی ڤئ د کئشیاری و مئعماریە چئنی نیسأنە: دال مئ د ئی سأفأر ڤارئسی عأسگدوٙنی موٙزە کئرت بی. ڤألی نئھا یە کئ مئ ڤئر ڤأنئم ڤا یئ گئل تابلو فأمئسئم کئ یئ چی ھأنیە کئ مئنە مورە د لا خوش و ڤئ أم خود موٙزە بی. شوصو تا ، ڤیرئم د یئ گئل داسوٙن میرأت سی یئ گئل داسوٙن ھأنی ڤألی ئی ساختئموٙن موٙزە بی کئ ڤیرئ مئ بیشتأر ری ڤئ بی. د ۲۱ دئسامر ۱۹۰۷ دا ڤئ کئلارا ھیتلئر ڤا یئ گئل د دونیا رأتئن پوردأرد د کارگئرایی سألأطوٙن سینە د سئند ۴۷ سالئ یی د دونیا رأت. ھیتلئر ڤئ دأس یئ گئل دادگا د شأر لییز ھأمە بأرئ خوشە د ئرث بوٙأشە دە ڤئ خوٙأرئش پاڤلا ھیتلئر ، آدولف د سئند ۲۱ سالئ یی ڤارئث مال یئ گئل د میمە یاش بی. ڤئ ڤا کئسم یئ گئل کئشیار د شأر وین مأشغوٙل ڤئ کار بی. ڤئ در ری کارت پوستالیا کئشیار کاریی میکئرد و ڤئنوٙنە می فوروخت د ڤولاتگأردیا. تا دئما جأن جأھوٙنی أڤأل ڤئ نئزیک د ۲۰۰۰ تابلو کئشیاری راس کئرد.[۵] نئھا د دویومین گئل د ئخراج بییئن د ساموٙنگە ھونأریا نازار ھیتلئر فئرە ژار بی. د سال ۱۹۰۹ ڤئ د دوم یئ گئل پئلامار می گأشت بو د سال ۱۹۱۰ ڤئ د یئ گئل حوٙنە کئ سی کأرئگأریا ژار بی ئیسجا بی. ری ڤئ ری کاری ڤا لون جید د رأزئشت کاتوٙلیکیا ئوتریش فئرە ریشە دار بی، ڤیأن یئ گئل کومئلوٙس گأپ جید، کئ د ڤأر گئرئتە جأرغە یا جیدیا ئوروتودوکس فئرە یی د ئوروٙپا أفتوزأنوٙن بی. ھیتلئر چئنی ئتئقات داشت کئ جیدیا دۊشمأن لون آریایی و باعئث ژار بییئن ڤولات ڤئ یأنی ئوتریش بییئن. د گاتی کئ ھیتلئر د ڤیأن ئیسجا بی ، حال و بال سیاسی و کئردار پارتیا جوٙر ڤا جوٙر نە فئرە د ڤیر خوش داشت و تئلاش می کئرد کئردار پارتیا نە ڤارئسی بأکە. ڤئ نئھا د ڤارئسی کاری پارتیا ڤولات ئوتریش چئنی نأتیجە گئرئت کئ تئنیا پارتی کئ می توٙنە د ڤولات ئوتریش قۉئینتئر د ھأمە پارتیا با بایأد بأتوٙنە خألک نە بیارە د خیاڤوٙنیا و ھأمچئنی دأس کأم یئ گئل د نیروٙیا أصلی ڤولات ئوتریش یأنی أرتئش، کئلئسیا یا آئم أڤأل مأملئکأتئ(سأرکوٙمأرە ڤولات ئوتریش) نە ڤا خوش داشتوٙە. ھیتلئر د کئتۉ نوم دیار خوش یأنی جأنکاری مئ چئنی مینأسە کئ حأرفیا نیسموٙن شئناسوٙنە و نازار نیسئن کئ ڤیرگار سازئن و تئنیا ھأچایە کاریا تأشدار و نازار ھین کئ لادیارکون ڤیرگارئن. ڤئ د سال 1913 د ڤولات ئوتریش-مأجارئستان رأت سی موٙنیخ ڤألی سی یە کئ د ڤولات ئوتریش نأرأتە بی سأر خئدمأت پولیس ڤئنە گئرئت و دأئش د ڤولات ئوتریش ڤألی ڤئ ڤا خوش شامسی د خئدمأت موعاف بی و یئ گئل ھأنی ڤئریأشت د موٙنیخ.

جأن جأھوٙنی أڤألڤیرایئشت

 
ھیتلئر د أرتئش آلمان، ۱۹۱۴، نئشتە د لا راست
 
ھیتلئر ڤا داسوٙن یئ گئل سأرڤاز د جأن جأھوٙنی أڤأل خئدمأت می کئرد.

د ئوٙت ۱۹۱۴ جأن جأھوٙنی أڤأل شوروٙ بی و ھیتلئر سی لأشگأر باڤاریا داڤطألأڤ بی. ڤئ یئ گئل سأرڤاز کونئشتکار بی و داسوٙن پیغومبأر د ڤولات فأرانسە و بئلجیک د تیرأس تأش دۊشمأن بی. أر چی خئدمأت ھیتلئر فأرتیە گئر بی ڤألی سی یە کئ ڤئ زایارە ڤأندی آلمانی ناشت گیرینجئش بیشتئر د سأرجوٙقە نأبی. ڤئ دۊ گئل سی زألە داری د جأن نئشوٙ صألیب آئنی، گیرینج دۊ، د دئسمار ۱۹۱۴، و صألیب آئنی نە،کئ یئ گئل گیرینج یأکە و ڤئنە فئرە کأم دأنئش ڤئ سأرجوٙقە یا ، د ما ئوٙت ۱۹۱۸ گئرئت. د گات جأن ھیتلئر یئ گئل آلمانی ڤولات دوٙس بی، ڤا یە کئ ڤئ تا سال ۱۹۳۲ زایارە ڤأندی آلمان ناشت. ڤئ د گات خئدمأت سأرڤازی، سی روٙزنامە أرتئش کئشیاری می کأشی ڤألی د سال ۱۹۱۶ د راساگە پا چأپ زأخمدار بی و سی ڤئ نئشوٙ جانبازیا نە گئرئت و نئھا د خوٙ بییئن ھأنی ڤئریأشت د جئپە .[۶] د گاتی کئ خألک ئتئقات د یە داشتئن کئ أرتئش آلمان شئکئس نأحورە، آلمان د نوامر سال ۱۹۱۸ شئکأس حأرد. هیتلئر ڤا فأمئسئن خأڤأر شئکأس حأردئن آلمان شوکە بی. ڤئ د ئوٙ گات سی یە کئ ڤا گاز خأردأل شیمایی بی و د بیمارئستان صأرایی بی و موڤأقأتی کوٙر بییە بی. چی بیشتئر ڤولات دوٙسیا، ڤئ أم می گوت سیاسأتکاریا ناجأن مأدار و جیدیا و کومونیستیا موقأصئر أصلی شئکأست حأردئن آلمانئن.

نئھا د جأن جأھوٙنی أڤألڤیرایئشت

نأتیجە جأن جأھوٙنی أڤأل سی ڤولات آلمان فئرە گأن بی. ڤولاتیا ری ڤئ ریکار آلمان د عأھدنوٙمە ڤئرسای شأرطیا فئرە گأنی و خئفأت باری نە نیائن سی آلمان. ڤا شئکأس حأردئن رایش دویوم د جأن جأھوٙنی أڤأل، د ڤولات آلمان کوٙمأرە ڤولات ڤایمار رأڤأندیاری بی. نئھا د جأن جأھوٙنی أڤأل ڤولات آلمان غأرق بوحران بی. د کوٙمولأیأکیا گأپ کئلوٙنی کئ خألک ڤا ژار بییئن و بیکاری دأس پأنجە نأرم می کئردئن ھیتلئر چی بیشتئر ھوم گاتیا خوش، می گوت کئ تأسلیم بییئن آلمان ئشتئڤا بییە و شئکئس حأردئن ڤولات آلمان د نأتیجە یأکاگئری جیدیا و کومونیستیا بییە و می گوت ڤئ بایأد جوبران با.

کونئشتکاریا سیاسیڤیرایئشت

پارتی نازی پایە یئ گئل جأرغە کوچئک ڤا ڤیرا زایارە حایی د سالیا جأن جأھوٙنی أڤأل رأڤأندیاری بی. د بار أڤأل د شأر بئرئمئن یئ گئل دأسە د أڤألیا سال ۱۹۱۸ ڤا نوم کومیتە موفتی سی صولح کارئگأریا آلمان چوٙأ:ۋ زۊن هٱنی دیاری کئرد. آنتون دئرکئسلئر د ڤیرگار ۷ مارس ۱۹۱۸ د شأر موٙنیخ یئ گئل شاخە نە د ئی جأرغە رأڤأندیاری کئرد. دئرکئسلئر یئ گئل قولف ساز سادە و یئ گئل د أندومیا أرتئش د جأن جأھوٙنی أڤأل بی. د ڤیرگار ۵ جانڤیە ۱۹۱۹ دئرکئسلئر ڤاگئرد چأن گئل د ھومدأنیا نئزیکئش و بیس گئل گارئگأر ھأنی د کارئگأر سئچە قئطار موٙنیخ بییئن دئبارە رأڤأندیاری یئ گئل پارتی خودصئلادار د کومیتە رایئگان سی صولح د پایە أصلیا سیاسی دئرکئسلئر قئسە کئردئن و نأتیجە ئی چأک چئنە رأڤأندیاری پارتی کارئگأریا آلمان بی. پارتی کارئگأریا آلمان یئ گئل جأرغە کوچئک ڤا ۵۵ تا أندوم بی. ڤألی دولأت ڤایمار کئ فئکر می کئرد کونئشتیاریا پارتی کارئگأریا آلمان گأنە چأن گئل جاسوٙس فئرسنە مینئ پارتی. آدولف ھیتلئر کئ ئیسئ مأموٙری ئطئلاعاتی أرتئش بی أندوم پارتی بی تا د نئزیک دئبارە پارتی گوزارئشت کاری بأکە. ڤئ کأم کأم ڤا ڤیر و باڤأریا پارتی آشنا بی. ھأمچئنی ھیتلئر فئرە گوتە کاری بی و سی یە بی کئ ڤئ یئ گئل د گوتە کاریا نازار و ماھئر پارتی بی. د مینجا أندومیا أڤألیە پارتی رودلوف ھئس، هانس فئرانک و آلفئرئد روزئنبئرگ د ھأمە نوم دیارتئر و کونئشتکارتئر بییئن کئ د نئھاتئر ھأمأشوٙ بییئن د سأرکئردە یا پارتی. هیتلئر ئیسئ جأذب پارتی بی و نە ڤا پارتی ری ڤئ ری کاری داشت و بی ڤئ یئ گئل د سئتینیا أصلی پارتی. سی ڤئ ھیتلئر د أرتئش ئخراج بی و أندوم پارتی بی و سی أڤئلی تئلئکئسئن شومارە أندومیا پارتی نە د ۵۰۰ شوروٙ کئرد و چئنی بی کئ أندومیا پارتی د جا یە کئ ۵۵ کأس گوتە دیاری با ۵۵۵ کأس گوتە دیاری بی. چئنی کاری أصلی تئری و گأپتئری تأبلیغ سی پارتی بی. پارتی کارئگأریا آلمان ڤئ دأس یئ گئل کومیتە ھأف نأفأرە دیڤوٙنداری بی. هیتلئر توٙنئس روٙە د کومیتە ھأف نأفأرە. دویومی کونئشتیاری ھیتلئر آلئشت دأئن نوم پارتی د ۲۴ فئڤریە ۱۹۲۰ بی. ئیسئ کألیمە سوٙسیالیست زایارە یی أم ڤئ نوم پارتی ئضاف بی و چئی بی کئ شیڤە نوم پارتی ڤا نوم پارتی زایارە یی کارئگأریا سوٙسیالیست آلمان (کوچئک بییە: NSDP) نوم دیار بی.هیتلئر د شادینە یا جوٙر ڤا جوٙر گوتە کاری می کئرد و ڤا ھأچە یا نازار و زایارە حایی آئمیا بیشتئری نە سی ئی پارتی جأذب می کئرد. ھیتلئر توٙنئس دئرکئسلئر نە راضی بأکە کئ ھئیأت ھأف نأفأرە دیڤوٙنداری پارتی أنجومشیڤ؛ چئنی بی کئ ھیتلئر ڤا داسوٙن سأردیڤوٙنکاری تازە پارتی توٙنئس بأرنامە یا خوشە د خوٙیی أنجوم بییە . أڤئلی کار ھیتلئر نئھا د سأردیڤوٙنکای خوش رأڤأندیاری جأرغە جأنی پارتی ڤا نوم ئس آ بی. ھیتلئر د قأدأم دئمایی گوت کئ ڤئ دۊ گئل دال گأپ سی پارتی دارە، أڤئلی دال پیشکئرد ڤولات آلمان و دویومی دال ری ڤئ ری کاری ڤا دوشمأنیا دأرجە یأک ڤولات آلمان چی فأرانسە - ئینگیلیس و شورأڤی کئ ھان د چأنگئ دولئمأنی جیدیا. هیتلئر صألیڤئ ئشگئسە کئ یئ گئل نئشوٙ دیارکون آریایی بی نیا ڤا داسوٙن نئشوٙ دیارکون پارتی. د سالیا ۱۹۲۱ و ۱۹۲۲ پارتی فئرە روشت کئرد. پارتی نازی یئ گئل لئشک ڤا نوم جأرغە چول کاری ئس آ بی کئ ئرنئست روٙھئم نئزیک تئری دوٙس ھیتلئر سأردیڤوٙنکار ئی جارغە بی. د سال ۱۹۳۴ ھیتلئر سی چیا جوٙر ڤا جوٙری چی آئم کوشی ئی جأرغە نە د یأک شیڤنی و سأردیڤوٙنکاریا ڤئ چی ئرنئست روٙھئم سی توٙطئە کوشتە بییئن. یئ گئل د دألیلیا ناراضی بییئن ھیتلئر و أرتئش د جأرغە ئس آ یە بی کئ روٙھئم میحاس ئس آ نە بأنی جا أرتئش بود. نئھا ئدام بییئن روٙھئم نیروٙ ئس ئس کئ زیر لئشک ئس آ بی و زیر نأظأر ھیتلئر بی چی یئ گئل جأرغە خودصئلادار مأن.

کوٙتئتا موٙنیخڤیرایئشت

د جانڤیە سال ۱۹۲۳، فأرانسە راساگە روٙھئر صأنعأتی نە سی نأدأئن غأرامأت جأن جأھوٙنی أڤأل گئرئت. گئرتئن ئی راساگە باعئث شأر آشوٙ بی د ھأموٙ گات د ڤولاتچە بایئرن آلمان یئ گئل جومئشت قۉئین سی جئگا کئردئن ئو ڤولاتچە و رأڤأندیاری یئ گئل حوکوٙمأتئ کاتوٙلیک دأس گوماشتە فأرانسە دیار کئرد. جئنئرال فون لوٙسۉ سأردیڤوٙنکار بایئرنی أرتئش تئر د بئرلین گوٙش نئمی گئرئت و بئیرأق آلمانئ نە ئوٙچئ عألأم نئمی کئرد. چئنی بی کئ غوروٙر زایارە یی ڤولات آلمان یئ گئل ھأنی د بئین رأت و أندومیا پارتی فئرە رأت ڤارو و د ئی گات ۲۰،۰۰۰ کأس ھأنی تا آخئر ما نوڤامر أندوم پارتی بییئن. چئنی بی کئ نازیا تأصمیم گئرئتئن کئ ڤا ھومیاری جئنئرال لوندئروف د سالوٙن ئوجو فوروٙشی شأر موٙنیخ ڤایأک جأم بان و نئھا ئی کار سی حال و بال ئیسئنی ئتئراض بأکأن. ھیتلئر أم یئ گئل چول کاری نە رأڤأندیاری کئرد. قئرار بی کس د شو ۸ نوڤامر یئ گئل ڤایأک جأم کاری د بئرگربئرو دوروس با و نوخوس ڤأزیر دوگدور فأن کار یئ گئل گوتە دیاری جاڤأنە نە کئ ھومبأراڤأر بی ڤا خودصئلاداری بایئرن بوٙأ ڤأی ھیتلئر و لوندورف نأشتئن. روٙزئ نھا نازیا خیاڤوٙنا نە سی یئ گئل تأظاھورات سی حامینداری د یأکاگئری زایارە یی رأڤأندیاری کئردئن و ئی نوفوٙس گأپ کئ سأردیڤوٙنکاریئشوٙ ھیتلئر و لوندورف بییئن رأتئن زیر تأش گولوٙلە أرتئش آلمان ئوٙسئنی و چئنی بی کئ 16 گئل دیشوٙ سرتی رأتئن و دۊ گئل ھأنی دئشوٙ زأخمدار بییئن کئ د ڤئنوٙ نأم د پادئگانیا أرتئش جوٙ دأن.


هۊنڤادٱ هیتلرڤیرایئشت

سرچشمٱڤیرایئشت

  1. John Toland, Adolf Hitler, 1976 ISBN 0-385-42053-6
  2. Adolf Hitler Video. http://www.history.com/topics/adolf-hitler/videos#adolf-hitler History.com. Retrieved 2010-04-28.
  3. ڤیکیپئدیا ئینگیلیسی ڤا داسوٙنThe Jew of Linz
  4. http://www.jonathanglover.co.uk/travesties-and-encounters
  5. Lehrer, Steven (2002), Hitler Sites: A City-by-city Guidebook (Austria, Germany, France, United States), McFarland, p. 224, ISBN 0-7864-1045-0
  6. Alastair Jamieson Nazi leader Hitler really did have only one ball The Daily Telegraph, retrieved on 20 November 2008