بٱرنومٱ ھٱستاٛیی اؽروݩ کاْ د سال ۱۳۲۹ شرۊ بی د سال ۱۳۵۳ ڤا رٱڤٱندؽاری سامونجا آز ٱتومی اؽروݩ ۉ اْمزا قرارداد رٱڤٱندؽاری آزجا ٱتومی بۊشاٛئرڤ شؽڤٱ تازاٛ دؽاری کرد. اؽروݩ د سال ۱۹۵۸، بی ڤ یٱکؽ د ٱندومؽا آژانس مؽن زایاراٛیی آز ٱتومی ۉ د سال ۱۹۶۸، پاٛموݩ دٱرتیچ نٱکردن ٱسلهٱیا هٱستاٛیی (اْن‌ پی‌ تی) ناْ اْمزا کرد ۉ دۏ سال ڤرٱزتر د چنی کارؽ اؽ قانۊن ناْ د مٱجلس شۉرا زایاراٛیی اۊساْ جاگیر کرد.د ڤیرگار ۹ فڤریٱ سال ۲۰۰۳ زارۊیی مهٱمٱد خاتمی، سٱرکومرٱ اۊسنی اؽروݩ، هٱڤال راس بیئن سۊخت هٱستاٛیی ڤ دٱس کسمدارؽا اؽرونی ناْ سی آزگایا هٱستاٛیی د اؽروناْ دٱ ۉ د ما آڤریلٛ سال ۲۰۰۶ مٱئمۊد ٱئمدی نژاد ،سٱرکومرٱ اۊسنی اؽروݩ گوت کاْ اؽروݩ ڤا خوش سرٱنجومی تونسٱ غٱنی کردن اورانیوم ناْ د ٱنازٱ ۳٫۵ دٱرسٱد رٱڤٱندؽاری بٱکٱ. د ڤیرگار ۲۶ بٱئمٱن ۱۳۹۰ (۱۵ فڤریٱ ۲۰۱۲) اؽروݩ راس کردن میلٛاٛ سۊخت هٱستاٛیی ۲۰ دٱرسٱد غٱنی بیٱ ۉ سوار کردنش ڤ ری رٱکتور مؽنجۊری ۵ مگاڤاتی تاٛئروݩ دؽاری کرد.[۱]


ڤیرگارچٱڤیرایئشت

ٱندوم بیئن اؽروݩ د سامونجایا مؽن زایاراٛییڤیرایئشت

 
باٛرٱق آژانس مؽن زایاراٛیی آز ٱتومی

اؽروݩ د سال ۱۹۵۸، ٱندوم آژانس مؽن زایاراٛیی آز ٱتومی (I.A.E.A) بی ۉ د سال ۱۹۶۸، پاٛموݩ دٱرتیچ نٱکردن سلایا ٱتومی (N.P.T) ناْ اْمزا کرد ۉ د سال ۱۹۷۰، د مٱجلس شۉرا زایاراٛیی تٱسڤیب کرد. ڤ کار گرتن آز ٱتومی د گات پاتشایی مهٱمٱد رزا شا پٱئلڤی دؽارکاری بی ۉ رٱڤٱندؽاری سامونجا آز ٱتومی اؽروݩ سٱرچشمٱ رٱڤٱندؽاری رٱکتور ٱتومی بۊشاٛئر ۉ هومیاری پیلٛی اؽروݩ د کشیاریا سازیاری سۊخت ٱتومی فرانسٱ بی.

بٱرنوماٛ اؽروݩ د سال ۱۹۷۴ یٱ بی کاْ د ٱرز بیس سال٬ گٱردشتجا کامل سۊخت ناْ ڤلات نشینکاری کردٱ ۉ بیس ۉ ساْ هزار مگاڤات بٱرق ناْ د ۲۲ تا آزگا ٱتومی ڤ دٱس مؽارٱ.

رٱڤٱندیاری آزگا ٱتومی بۊشاٛئرڤیرایئشت

قرارداد رٱڤٱندؽاری آزگا ٱتومی بۊشاٛئر د سال ۱۳۵۳ (نوڤامر ۱۹۷۴) بٱستٱ بی ۉ کار راس کردن اؽ آزگا ڤ دٱس شرکٱت آلمانی کرافتورک یۊنیون (یٱکؽ د شرکٱتؽا زؽرنٱخیز شرکٱت زیمنس) شرۊ بی، جاگٱ راس کردنش د بهار سال ۱۳۵۴ د ۱۸ کیلٛۊمتری پاؽموݩ بٱندٱر بۊشاٛئر مؽنجا دۏ رۊستا هالیلٱ ۉ بٱندٱرگا بی، د توسوناْ سال ۱۳۵۴ (جۊییٱ ۱۹۷۵) کار ساختموݩ سوزیش شرۊ بی ۉ د ۱۴ تیر ۱۳۵۵ (۴ ژۊئیٱ ۱۹۷۶) قرارداد ماباٛن دۏ ڤلات اؽروݩ ۉ آلمان اْمزا بی.د سال ۱۳۵۷ ڤا ٱنجومگری ڤٱزآلشت، کنشکاری دۏرس کردن اؽ آزگایا د لٛا ڤلاتؽا ٱفتاونشیݩ نوئاگری بی ۉ هکۊمٱت کومرٱ ڤلات اْسلامی اؽروݩ د ٱڤٱلؽا ڤٱزآلشت ڤا راس کردن آزگا ۉ رٱڤٱندیاری پرۉژٱ ٱتومی موخالف بی[۲][۳] هٱمچنیݩ د گات جٱنڳ اؽروݩ ۉ عراق ساختمونؽاؽ کاْ بیشو ڤ دٱس نیرۊ هٱڤایی عراق بامباروݩ بیئن، کاْ د کارگرایی اؽ چۉل کاریا اؽ ساختمونؽا یاٛ قرؽ خراو بیین.د ڤیرگار ۱۸ داٛی ما سال ۱۳۷۳ قرارداد تٱکمیلٛ کردن ۉ رٱڤٱندؽاری یکا ٱڤٱل آزگا ٱتومی بۊشاٛئر ڤ هال ۉ بار هومبٱئری مؽنجا ڤلاتؽا اؽروݩ ۉ رۊسیٱ اْمزا بی ۉ د مورداد سال ۱۳۷۷ یاٛ گلٛ هنی اؽ قرارداد رٱت زؽر تؽخ ڤانیاری. رۊسیٱ د گات سٱرکومرٱ ڤلات بیئن پۊتین سی یٱ کاْ مؽهاست د اْمریکا خودسلادار بۊئٱ تٱفرٱ کرد کاْ آزگا ٱتومی بۊشاٛئر ناْ دۏرس بٱکٱ.

ٱڤٱلیݩ رٱکتور مؽن جۊری اؽروݩڤیرایئشت

اْمریکا د سال ۱۹۶۷، ٱڤٱلیݩ رٱکتور مؽن جۊری ۵ مگاڤاتی آو سۉئک ناْ فروخت ڤ اؽروݩ ۉ شرکٱت اْمریکایی ای‌ اْم‌ اْف اؽ رٱکتور ناْ د دونسمٱنیجا تاٛئروݩ نؽا ڤ کار٬ ڤٱنش ڤ کار.[۴][۵]

سرچشمٱڤیرایئشت

  1. Haidar, J.I., 2015."Sanctions and Exports Deflection: Evidence from Iran," Paris School of Economics, University of Paris 1 Pantheon Sorbonne, Mimeo
  2. http://fa.wikipedia.org/w/index.php?title=پرونده:Niroogahe_hasteee-B.jpg&oldid=8554531
  3. http://fa.wikipedia.org/w/index.php?title=%D9%BE%D8%B1%D9%88%D9%86%D8%AF%D9%87:Niroogahe_hasteee-A.jpg&oldid=8554518
  4. The nuclear sphinx of tehran: Mahmoud Ahmadinejad and the State of Iran, Yossi Melman, Meir Javedanfar, 2008, p84.
  5. Diversified Success, Time Magazine, 19 May 1961