سٱقاریٱ چوٙأ:ڤ تۏرکی نوم یٱکؽ د آستونؽا ڤلات تۏرکیٱ ئا کاْ پاتٱختش شٱئر آداپازاری ئٱ. سٱقاریٱ ها د تاٛ شٱئرؽا اْستامبول - آنکارا ۉ ساٛچٱ قتار دش رٱد مۊئٱ ۉ دٱسرسی ڤ سٱقاریٱ د تٱریق فرگٱرگٱ مؽن زایاراٛیی سٱبیهٱ گۊکچن اْستامبول ٱنجوم مۊئٱ. نفۊس آستوݩ سٱقاریٱ ۸۷۲ هزار کٱسٱ. اؽ آستوݩ ها د بال دریا سؽ ۉ گلال سٱقاریٱ ها د اؽ آستوݩ، سٱقاریٱ ها د راساگٱ مٱرمٱرٱ ۉ آستوݩ خۊجالی ها د ٱفتاونشیݩ اؽ آستوݩ ۉ آستوݩ بیلجیک ها د هارگٱ آستوݩ سٱقاریٱ، آستوݩ بولۊ ها د هارگٱ ٱفتاوزنوݩ اؽ آستوݩ ۉ دٱس آخر آستوݩ دۊزجٱ ها د ٱفتاوزنوݩ آستوݩ سٱقاریٱ.آستوݩ سٱقاریٱ ها د لٛا شٱئرؽا اْستامبول-آنکارا. شٱئرڤادار اسنی سٱقاریٱ زٱکی توک اوغلوئٱ کاْ یٱکؽ د ٱندومؽا پارتی عدالٱت ۉ گٱپ کلونکاری تۏرکیٱ ئا. نفۊس سٱقاریٱ د سال 2013 نزیک 918 هزار کٱس بیٱ. پاتٱخت آستوݩ سٱقاریٱ یٱکؽ د شٱئرؽا نومدؽار ۉ پؽشکردٱ د ڤلات تۏرکیٱ ئا کاْ فرٱ گٱپ کلونکاری بیٱ ۉ رۏشد گٱپ کلون کاریش فرٱ زؽاد بیٱ. اؽ آستوݩ بال آویا نازار، گلالؽا قشٱنڳ ۉ دٱریاچٱیا فرٱ خۊئی دارٱ . اؽ آستوݩ د سٱدٱ 13 زارۊیی بی ڤ یٱکؽ د راساگٱیا زؽر نخیز تۏرکیٱ عوسمانی. د سدٱ 18 زارۊیی د راساگٱیا بالکان ۉ قٱفقاز آیمؽا فراٛیؽ اومان ڤ اؽ آستوݩ ۉ راساگٱیاش.

Sakarya
Metropolitan Municipality
Sakarya Metropolitan Municipality
Location of Sakarya on Turkey map
Location of Sakarya on Turkey map
Country Turkey
Region Marmara
Province Sakarya
دۉلٱت
 • Mayor Zeki Toçoğlu (AKP)
نفۊس(۲۰۱۳[۱])
 • نفۊس کول ۹۱۷,۳۷۳
 • تٱپسن نفۊس
راساگٱ گاتی EET (یۊ تی‌ سی ۲)
 • توئسوݩ (DST) EEST (یۊ تی‌ سی ۳)
Postal code 54000
رازینٱ تلٛفوݩ (+90) 264

دماتریڤیرایئشت

دماتری ڤیرگارمٱنی سٱقاریٱ مؽ رسٱ ڤ ۳۷۸ سال دماتر د زارۊ. مال دبارؽا دماتری د ڤٱرگرتٱ فریگیٱ‌یا، بیتینیایی یا، کیمری‌یا، لٛیدیا، ۉ اؽرونؽا هٱخامنشی د راساگٱ سٱقاریٱ ایسجا بیئن ڤلی اؽ ساموݩ هوڤیٱت خوشاْ د رۊمیا ۉ بیزانسیا گرتٱ. یٱکؽ د نازارتری ڤ جا مٱنٱیا ڤیرگارمٱن د اؽ راساگٱ پول جوستینٱین (تۏرکی: Beş Köprü) ٱ کاْ د سال ۵۳۳ دما زارۊ ڤ دٱس جوستینٱین یٱکم، اْمپراتۊر بیزانسی رٱڤٱندؽاری بیٱ.

دٱسرسیڤیرایئشت

سٱقاریٱ ها د جاگٱیی کاْ چارقرش اوتۊبان ۉ شارٱ ۉ ساٛچٱ قتارٱ ۉ رٱیا دٱسرسی د اؽ آستوݩ فرٱ زیادٱ. یاٛ اوتۊبان پٱنج باندٱ فرٱ نازار کاْ د اؽ آستوݩ مؽ گوئارٱ ۉ د درآمد سازی سی آستوݩ فرٱ کاگرایی دارٱ ۉ سٱرچشمٱ اؽ اوتۊبان ها د آستوݩ بیلجیک. اؽ اوتۊبان یاٛ اوتۊبان مؽن زایاراٛیی ۉ نومدؽارٱ. د اؽ آستوݩ هٱفت تا اؽسگا ساٛچٱ قتارٱ ۉ یاٛ ساٛچٱ قتار 65 کیلۊمتری ها د اؽ آستوݩ کاْ اؽ ساٛچٱ قتار اْستامبول ناْ مؽ دیسنٱ ڤ آنکارا. فاسلٱ آنکارا ۉ اْستامبول ڤا ساٛچٱ قتار سٱقاریٱ مۊئٱ ڤ 141 کیلۊمتر کاْ فرٱ ڤ یٱک نزیک بینٱ. نوم آداپازی کاْ مؽنجا اؽ آستونٱ د نوم یاٛ داٛ کاْ نومش آدا بیٱ ۉ د سال 1573 زارۊیی رٱڤٱندؽاری بیٱ گرتٱ بیٱ. اؽ داٛ د سالؽا جۊر ڤا جۊر بیٱ ٱندوم یٱکؽ د راساگٱیا آستوݩ سٱقاریٱ ئا.

شٱئرسونؽاڤیرایئشت

ڤنو شٱئرسونؽا آستوݩ سٱقاریٱ ئان:

عٱسگدونیڤیرایئشت

 
یاٛ عٱسگ د شیڤات کولی د شٱئر سٱقاریٱ
 
یاٛ عٱسگ د مؽنجا سٱقاریٱ(شٱئر سٱقاریٱ)
 
قلٛا هارمان تٱپٱ
 
آزگا گولو
 
پول گۊنشلر د سٱقاریٱ

سرچشمٱڤیرایئشت

  1. Turkish Statistical Institute, spreadsheet document – Population of province/district centers and towns/villages and population growth rate by provinces