نوم جاگه اصلی نه واز بکیت.

اْرنست میلر ھمینگڤاٛی د نڤیسؽارؽا گٱپ اْمریکا ۉ جاؽزٱ گیر نوبل نیسموݩ ئٱ. د رٱڤٱندیاریا یٱکؽ د کارگیراتریݩ جۊرؽا نیسمونی ڤا نوم فرٱ نوم دیار بییٱ «روخ ڤٱن تاشی نیسموݩ» ئٱ.

اْرنست ھمینگڤاٛی
ErnestHemingway.jpg
ھمینگڤاٛی د سال ۱۹۳۹ زایشتی
ڤ دی اومایٱ د اْرنست میلر ھمینگڤاٛی
۱۸۹۹
اۊک پارک، ایلینوی
د دونیا رٱتٱ د کٱچام، آیداهو
کئسم نڤیسؽار، رۊزنومٱ ناٛیس
زایارٱڤٱندی اْمریکایی
جانر مٱتٱل؛ گٱپ مٱتٱل
آرنگیٛا جادیٛار ریش اْسبؽ ڤا دٱریا، خودافزی ڤا تفٱنڳ، توسو ختٱردار، ڤالٛریار غولاماْ مورادی
جاییزٱیا جاؽزٱ نوبل نیسموݩ (۱۹۵۴)
جاؽزٱ پولیتزر سی مٱتٱل(۱۹۵۳)
هومسٱریٛا هدلی ریچاردسون (۱۹۲۷-۱۹۲۱)
پاولین فایفر (۱۹۴۰-۱۹۲۷)
مارتا گلهورن (۱۹۴۵-۱۹۴۰)
ماٛری ڤلش (۱۹۶۱-۱۹۴۶)

اْمزا

اْرنست همینگڤاٛی بؽشتر اۏمرش ڤ دۏم ماجرا گٱردی بی. د زٱخمی‌ بین د ایتالیاد ٱسٱر هٱردن ۲۰۰ پرزٱ تٱرکش‌ گولٛٱ نیرۊیا اوتریشی د مؽنجا جٱنڳ جهونی ٱڤٱل تا رٱتن ڤ خٱت نۊایی جپٱیا جٱنڳ مؽنجا اْسپانیا یا موسافرٱتؽا دۏنیاگٱردی آفریقا تا مویی‌گیری ۉ شکار جونهٱرؽا درٱندٱ ۉ زناٛیی د کۊبا دٱس آخر هٱم یاٛ رۊ تفٱنڳشاْ ڤرداشت ۉ زٱ مٱزگ خوشن تیچٱن.

د گٱفترین گٱپ مٱتٱلؽا ۉ کتاو ریش اْسبؽ ۉ دٱریا ئٱ. د اؽ کتاو ڤ راساگٱ زناٛیی ریش اْسبؽ چٱنڳ مؽڤٱنٱ کاْ یاٛ رۊ راساون دٱریا د مٱدۊدٱ نیرۊش بی ۉ لٛا بهگیا خوش لٱرز دٱریا بیڤٱ یاؽ بینٱ دٱرمونٱ د تال ۉ پاٛ تۏرش ۉ ایساْ زناٛیی ڤٱ رسسٱ ڤ آخر، د تمارزی گرتن گٱفترین مویی دل ناْ مؽزنٱ ڤ دٱریا ۉ گٱفترین مویی گرتنشاْ ڤ دٱس مؽارٱ. ڤٱلٛی نمؽتونٱ کاْ بؽارٱش تا بال دٱریا ۉ چیؽ جۏز سخو د بال دٱریا نمؽارٱ. همینگڤاٛی د ریش اْسبؽ ۉ دٱریا شکۊه راساگٱ دٱریا ناْ ڤا هار ۉ ڤ رۏ رٱتن زناٛیی دراز یاٛ مویگیر ڤ یٱک مؽشۏڤنٱ اؽ ڤ یٱک شؽڤساْ زناٛیی نوماٛ پور د جٱخڌ سی مویگیر د پا اوفتایٱ دۏرس مؽکٱ. قرؽ د اؽراڌگیرؽا گوتنٱ اؽ کتاو ڤا موبی دیک آرٱنڳ هرمان ملویل هومپایٱئا.

زناٛییڤیرایئشت

اْرنست همینگڤاٛی د ۲۱ جۊییٱ ۱۸۹۹ د اوک پارک (Oak Park) آستوݩ ایلینویز زمار بی. بوئٱش کلارنس دۏگدۏر ۉ داش گریس موعٱلٛم پیانو ۉ دٱنڳ بی. اْرنست توڤسنیا ناْ ڤارد هونڤادٱش د شومال میشیگان زناٛیی مؽکرد ۉ د اۊچاْ بی کاْ فٱمس کاْ ڤ مویگیری علاقٱ فراٛ دارٱ.

ڤرٱز تٱموم بیین دۉرٱ دٱبیرستوݩ، د سال ۱۹۱۷ سی زمونؽ دکانزاس‌سیتی ڤ اونڤان گوزارش کننٱ گانومٱ آسارٱ مٱشغۊل ڤ کار بی. د جٱنڳ جهونی ٱڤٱل اۊ داڤتلٱب خدمٱت د ٱرتش بی ٱما کٱم سۊیی تیٱش اۊناْ د اؽ کار مٱنع کرد د جالش ڤ اونڤان رانندٱ آمبولانس سٱلٛیب سۏر د نزیکی جپٱ ایتالیا ڤ خدمٱت گرتٱ بی. د ۸ جۊییٱ ۱۹۱۸ زٱخمی بی ۉ مایا د بیمارسوݩ بٱستری بی.

د ڤرگٱشتنش ڤ ڤلاتؽا یٱکاگیر زایارٱ شٱئر ۉ مهٱلٛٱش د اوک پارک د اۊ چی قٱهرمونؽا اْستقبال کردن. اْرنست کار خڤٱرنگاری ناْ د نۊ شرۊ کرد ۉ د سال ۱۹۲۱ ڤا هدلی ریچاردسن ٱهلاْ سٱن لوییز آشنا ۉ عاشقش بی. ڤنو ڤا یٱک دوؤٱت کردن ۉ ڤ تۉسیٱ شروود ٱندرسون سی شرۊ زناٛیی، پاریسناْ اْنتخاو کردن. د اۊچاْ اْرنست سی تورنتو اْستار مٱشغۊل ڤ کار بی. ڤنو هٱمچنو سی گوارنیین زناٛیی د بٱئر اْرس بوئٱ هدلی ناْ ڤ کار مؽگرتن ۉ اْرنست ڤ کار مٱتٱل نڤیسی مٱشغۊل بی. د اؽ دۉرو یٱنؽ مؽنجا سالؽا ۱۹۲۱ تا ۱۹۲۶ بی کاْ د جاگٱ یاٛ نڤیسٱندٱ نوم دیار بی .

رۏشڌ ڤیجٱش د نیسٱنن اۊناْ نڤیسٱناٛ بؽهومتا ۉ فرٱ ٱسٱرمٱن کردٱ بی. د سال ۱۹۲۵ ٱڤٱلیݩ رشتٱ مٱتٱلؽا کوچکش، د زمونٱ اؽما، مونتٱشر بی کاْ ڤ خۊیی هناگۊ رۏشڌ خاس اۊ بی. ڤیرنڤشتٱیاش د دۉروݩ کاْ ڤرٱز موردنش د سال ۱۹۶۴ ڤا اونڤان «عاٛد موتغٱییر» مونتٱشر بی، اؽ کتاو بٱرداشت شٱسخی ۉ بؽنٱزیر د نیسٱنؽا، هونٱرمٱنؽا، رٱزیشت ۉ رۏشڌ زناٛیی د پاریس دٱهٱ ۱۹۲۰ ئا.

اْرنست ۉ هدلی د اوکتوبر ۱۹۲۳ بین ڤ سهاو کورؽ ڤ نوم جان (ڤا نوم درۊیی بامبی). اؽ هونڤادٱ جا ڤ جایا فراٛ د اورۊپا مٱسخۊسٱن اورۊپای مؽنجایی مؽرٱتن ۉ د زمسونؽا مؽرٱتن اْسکی.د توسونؽا سی شرکٱت دشادینٱ سٱن فرمین دپامپلونا ڤ اْسپانیا مؽرٱتن کاْ ٱڤلیݩ سٱفٱرشو د توسوݩ ۱۹۲۳ بی. د سال ۱۹۲۶ ٱڤلیݩ گٱپ مٱتٱل ڤ پایٱ تٱجرۏبؽا ڤ دٱس اومایٱش د اْسپانیا ڤ نوم «ٱفتاو هٱمچنو مؽبلٛیزٱ» پلا بی.

د سال ۱۹۲۶ اْرنست همینگڤاٛی ڤا پاولین فایفر پیلٛدار ناْ دی ۉ اؽ دیین زٱن هاستن ٱڤٱلش ڤ جگایی کٱشس. اْرنست ۉ پاولین د سال ۱۹۲۷ ڤایٱک دوؤٱت کردن ۉ سهاو دۏ تا کور بین. پاتریک د سال ۱۹۲۸ ۉ گرگوری د سال ۱۹۳۱ زمار بی. د او دۉروݩ زناٛیش ڤا پاولین هوناٛ دکاٛی ڤست فلوریدا گرت.

د آخرؽا دٱهٱ ۱۹۳۰ همینگڤاٛی عاشۏق زؽنٱ رۊزنومٱنگار ۉ نڤیسٱنداٛ ڤ نوم مارتا گلهورن بی ۉ د سال ۱۹۴۰ڤاش دوؤٱت کرد. اْرنست، "فینکا ڤیخییا" (Finca Vigía) ناْ د کۊبا گرت. د سال ۱۹۴۴ ڤا ماٛری ڤلش ناْ دی ۉ دلباختٱش بی، د مارتا د سال ۱۹۴۵جگا بی ۉ دٱر ۱۹۴۶ ڤا ماٛری دوؤٱت کرد.

ساونیایی د زناٛیی اْرنست همینگڤاٛیڤیرایئشت

اْرنست همینگڤاٛی ڤرٱز ڤرگٱشتݩ د آفریقا د سال ۱۹۳۴ زایشتی، ڤ بروکلین د شٱئر نیویورک رٱت ۉ سی خوش قایقؽ گرت ۉ نومشاْ نیا «پیلار».

اْرنست همینگڤاٛی چٱن یازٱ سال گورڤاٛ ڤ نوم «تاتٱ ڤیلی» داشت. د ڤیرگار ۲۲ فڤریٱ ۱۹۵۳ د نوماٛ هشارٱ کن ڤ یٱکؽ د دۊسؽاش ڤ نوم جیانفرانکو ایڤانچیک، مۉئٱ کاْ گورڤٱش دۏتا د پایاش د تٱسادۏف ڤا یاٛ موشیݩ اْشکسنٱ. یاٛ نٱفٱر ڤش مۉئٱ کاْ کار گورڤٱشاْ تٱموم بٱکٱ، ٱما همینگڤاٛی د زؽر نمؽرٱ: «نٱتونسم ریسک بٱکم سی یٱ کاْ ڤیل موتڤٱجٱ بۊئٱ کاْ یٱکؽ مؽها بٱکوشٱش...» سرٱنجوم د ناچاری تفٱنڳشاْ گرت ری ڤ تاتٱ ڤیلی ۉ ڤش شئلٛیک کرد. نومٱ یاؽ د همینگڤاٛی؛ 'نٱ براری دارم، نٱ یاٛ هوم پؽالٱ خٱس'

موردنڤیرایئشت

اْرنست همینگڤاٛی د توریق ۲ جۊییٱ ۱۹۶۱ زایشتی ڤا یٱکؽ د تفٱنڳؽا نازارش، دۏلٛؽلٛ ساچمٱزٱنی باس ٱند کو، خوشاْ کوشت؛ هٱرچٱن زؽنٱش، ماری ڤلش، موداٛیی بی کاْ اْرنست ها تفٱنڳشاْ تٱمیس مؽکردٱ کاْ تیرؽ دش بؽرٱتٱ ۉ سبٱب بیٱ کاْ بٱمیرٱ.

نڤشتٱیا اْرنست همینگڤاٛیڤیرایئشت

سال داسون لٛۏری داسون اْنڳلٛیسی
۱۹۲۳ ساْ مٱتٱل ۉ دٱ شاٛعر Three Stories and Ten Poems
۱۹۲۴ د زموناْ اؽما In Our Time
۱۹۲۷ پیایا بی زٱنؽا Men Without Women
۱۹۳۳ بورنٱ هیچ نمۉئرٱ The Winner Take Nothing
۱۹۲۶ ٱفتاو هٱمچنو سٱر ڤرمؽارٱ The Sun Also Rises
۱۹۲۹ دل کٱناْ د تفٱنڳ A Farewell to Arms
۱۹۳۲ موردن د اؽڤارٱ Death in the Afternoon
۱۹۳۵ مٱتٱلؽا سۉز آفریقا Green Hills of Africa
۱۹۳۷ داشتن ۉ ناشتن To have and Have Not
۱۹۳۸ ستین پٱنجم ۉ چئلٛاْ نۏ مٱتٱل کوچک The Fifth Column and Forty-nine short stories
۱۹۴۰ زٱنڳؽا سی کؽ دٱنڳ مؽکٱن For Whom the Bell Tolls
۱۹۴۲ بؽترین مٱتٱلؽا جٱنڳ سی هٱماٛ گاتؽا The Best War Stories of All Time
۱۹۵۰ د گلال رۊ سی دٱریا Across the River and into the Trees
۱۹۵۲ ریش اْسبؽ ڤا دٱریا The Old Man and the Sea
۱۹۶۰ مٱجمۊئٱ شاٛعر Collected Poems

نڤشتؽاؽ کاْ نها موردن همینگڤاٛی پلا بیٱڤیرایئشت

سال داسون لٛۏری داسون اْنڳلٛیسی
۱۹۶۴ "پاریس جٱشناْ بؽکران" (ڤالریا: فٱرهاد غبرایی)، "عاٛیش گران" (ڤالریا: سیرۊس تاهباز، لٛرسٱ ناقس)، "ماٛمونی سٱیار" A Moveable Feast
۱۹۶۷ ڤ نوم اْرنست همینگڤاٛی (یادداشتؽا همینگڤاٛی د سالؽا ٱڤلییٱ مٱنن د پاریس) Byline: Ernest Hemingway
۱۹۷۰ مٱتٱلؽا کانزاس سیتی اْستار Stories Cub Reporter: Kansas City Star
۱۹۷۰ جٱزیرؽا مؽن تیفون Islands in the Stream
۱۹۷۰ باخ عدٱن (گٱپ مٱتٱل تٱموم ناٛییٱ) The Garden of Eden
۱۹۹۹ راستی د ٱڤلیݩ بلیزشت True at the First Light
۱۹۶۱ توسوݩ ختٱرناک (ڤالریار: غولم مورادی، نٱشر کتاو سرانٱ، ۱۳۸۸) Dangerous Summer

اْرسیٱڤیرایئشت

جاؽزه قلٱم همینگڤاٛی، نوم یاٛ جاؽزٱ ٱرزش دار نیسمونیٱ کاْ ڤ «ٱڤلین کتاو یاٛ مٱتٱل ناٛیس» اْهدا مۊئٱ.

کتاوگٱ ۉ مۊزٱ جان اْف. کندی، د توریق ۱ آڤریلٛ ۲۰۱۲ زایشتی، ڤا اْنتشار ۱۵ نومٱ چاپ ناٛیٱ د اْرنست همینگڤاٛی، سیک یایی د زناٛیی ڤنٱ آشگار کرد. اؽ نومٱیا ختاو د جیانفرانکو ایڤانچیک ایتالیایی نڤشتٱ بینٱ، د توریق ۱۹۵۳تا 1960 زایشتی اْدومٱ داشتنٱ. کتاوگٱ ۉ مۊزٱ جان اْف. کندی، اؽ پومزٱ نومٱ ناْ آخر سال ۲۰۱۱ زایشتی، د جیانفرانکو ایڤانچیک خٱری نومٱ یایی د همینگڤاٛی؛ نٱ برارؽ دارم، نٱ یاٛ هوم پؽالٱ خۊ

کتاویا هٱننی دبارٱ اْرنست همینگڤاٛیڤیرایئشت

سرچشمٱڤیرایئشت