سٱدام هۏساٛݩ

سٱدام هۏساٛݩ د 28 آڤریل سال1937 زارۊیی د تٱکریت شٱئر کوچکؽ د لٛا ٱفتاوزنوݩ عراق تیٱ گوشنی ڤ دۏنیا.بوئٱش عٱبدولمٱجید ٱبروهیم 5 ما ڤرٱز ڤ دی اوماین سٱدام رٱت کاْ ها ایساْ مؽرگٱردٱ ڤا دما. قرؽ د اؽ زایارٱ موئٱن شایٱد ٱسلٱن سٱدام د او بوئٱ نۊئٱ!دما یٱ کاْ سٱدام اوما ڤ دی داش شی کرد ڤ یٱکؽ هٱنی کاْ پؽا گٱن ۉ بٱد پتؽ بی.چنی بی کاْ سٱدام رٱت ڤ تاٛ هولوش او تا چٱن سال هٱم نۉرگٱشت ڤ تاٛ داش.باوئٱ پؽرٱش دماتر مٱجبۊرش کرد مورغ ۉ کلٱشؽر دۏزی بٱکٱ تا ڤا یٱک بوهرٱن!10سالوݩ بی کاْ د تٱکریت جؽست ۉ رٱت تاٛ تاتٱش د بٱغدا.تاتٱش یٱکؽ د سۏنیا هٱمٱ چی ها بی کاْ نیا ڤا نوم سٱدام کاْ ڤ دۏشمنونش رٱئم نٱکٱ،ڤ اؽ خاتر بی کاْ سٱر د هزب عرۉیا بٱعس دراوؤرد.سٱدام د زناٛیش 3 تا زٱن هاسد کاْ دۏتا دشو ڤ زۊر مٱجبۊر کرد د مؽرٱ ٱڤلی تلاق باٛیرٱن تا ای بهاشو!سٱدام دماتر د هزب بٱعس پؽش رٱت تا بی ڤ سٱرکومرٱ ڤلات عراق کاْ ٱلڤٱت یٱ هٱم دما کارش ناٛیی چینا کاٛ ڤا اؽرشت آوؤرداْ ڤ اؽروݩ مؽهاسڌ د خوش قٱئرموݩ سی زایارٱ عرۉ بٱسازٱ کاْ نٱتونس.دماتر اؽرشت هٱم آوؤرد ڤ کوئت ٱما دۊچاْ هٱم قوشاْ ڤلاتؽا ٱفتاونشیݩ اْشکنانش د یٱک تا یٱ کاْ دٱس آخر رۊزگار سی اؽ قاتل لؽڤٱ ڤ سٱر رٱسی ۉ د سال 2006 زارۊیی ڤا موردنش دۏنیا د شٱرش راهٱت بی

سرچشمٱڤیرایئشت