کارلوس فوئنتس (ڤ دی اومایٱ د ۱۱ نوڤامر ۱۹۲۸ – د دۏنیا رٱتٱ د ۱۵ ماٛی ۲۰۱۲) نڤیسیار مکزیکی ۉ یٱکؽ د سٱردؽارتریݩ و نوم دؽارتریݩ نڤیسیارؽا زڤوݩ اْسپانیایی بی. نیسسٱیا ڤ د زڤونؽا فرٱیی غاٛر د زڤوݩ اْسپانیایی ڤالرشتاْ بیٱ.

کارلوس فوئنتس
Head and shoulders photo of a greying man with a small moustache, wearing a suit, arms folded.
فوئنتئس د سال 2002
ڤ دیر اومایٱ د Carlos Fuentes Macías
1928
پاناماسیتی، پاناما
د دۏنیا رٱتٱ د 2012
مکزیکوسیتی، مکزیک
جاگٱ ایسجا بیئن Cimetière de Montparnasse, پاریس
کسم Novelist, writer
زایارٱڤٱنی Mexican
گات 1954–2012
جۏنبش نیسمونی Latin American Boom
آرنڳیٛا جادیٛار
هومسریٛا
  • Rita Macedo (1959–1973)
  • Silvia Lemus (1976–2012, his death)
بٱچٱیا
  • Cecilia Fuentes Macedo (1962–)
  • Carlos Fuentes Lemus (1973–1999)
  • Natasha Fuentes Lemus (1974–2005)
دیٛارگٱ
www.carlos-fuentes.net

زهشتڤیرایئشت

کارلوس فوئنتس د ۱۱ نوڤامر ۱۹۲۸ د پاناماسیتی اوما ڤ دی. داش برتا ماسیاس ریڤاس ۉ بۊئٱش رافائل فوئنتس بۊئٱتیگرٱ ئا. بۊئٱش یٱکؽ د دیپلماتیا نوم دؽار ڤلات مکزیک بی ۉ سی یٱ بی کاْ بٱچٱ بیئنشٱ د ڤلاتؽا جۊر ڤا جۊری گوڤاردٱ بی. د سال ۱۹۳۶ هونڤادٱش رٱتن د شهر ڤاشینگتون دی سی ۉ یٱ باعس بی کاْ ڤ ڤا زڤوݩ اْنڳلیبسی آشنا با. ڤ گات دبیرستان شٱ د سانتیاگوئاْ شیلی ۉ بوئنس آیرس کاْ پاتٱخت آرژانتین ننٱ گوڤارد. ڤ د شومزٱ سالاٛیی ڤاٛریٱشت ڤ مکزیک ۉ تا سال ۱۹۶۵ د اۊچاْ بی .ڤ د مکزیکوسیتی بی کاْ رٱت ڤ دونسمٱنیجا ۉ د دونسمٱنیجا زایاراٛیی مکزیکو نوئانومٱشاْ د رشتٱ هوقۊق گرت. نوئا دٱرس هٱنن خوشاْ د ٱنستیتو عالی ژنڤ نوئا گرت. د سال ۱۹۵۹ ڤا نمایشتکار سیم نما ڤ نوم ریتا ماسدو زن زٱقاس کرد، کاْ اؽ زن هاسݩ تا سال ۱۹۷۳ زارۊیی نوئا داشت. ڤ کاٛسم بۊئٱشاْ نوئا گرت و اوما ڤ دۏنیا سؽوسٱت ۉ سی ٱڤلین بار د سال ۱۹۶۵ زارۊیی سٱفیر مکزیک د لندن بی ۉ هٱنی نوئا ڤ د فرانسٱ ۉ چٱن ڤلات اورۊپایی هٱنی چی هلند، پورتغال ۉ ایتالیا سٱفیر بی. ٱڤلیݩ کوملۊس مٱتلؽا ڤ د سال 1954 زارۊیی پلا بی. د سال ۱۹۷۸ زارۊیی د گاتی کاْ سٱفیر مکزیک د فرانسٱ بی د اْعتراز ڤ اْنتخاو بیئن گۊستاو دیاز اورد سی سٱفیر بیئن مکزیک د اْسپانیا د گیرینج گٱ خوش رٱئت ڤ دٱر. دٱلیل رٱتن فوئنتس یٱ بی کاْ د گات سرکومرٱ ڤات بیئن دیاز اورداز د سال ۱۹۶۸ ٱرتش دونسمٱن جۊریا موعترز د مکزیکوسیتی نٱ ڤٱر گۊلٱ گرتٱ بی. «فوئنتس» کاْ د دونسمنیجایا نوم دؽاری چی پرینستون، هارڤارد، پنسیلڤانیا، کولمبیا، کٱمبریج، براڤن ۉ جورج میسون نوئاتری دٱرس دٱئن داشت. فوئنتس د دۏئمی زٱن هاستنش ڤا رۊزنامٱ نیس ۉ گوزارشتکاری ڤ نوم سیلڤیا لموس زٱن ۉ زٱقاس کرد. فوئنتس ساْ تا بٱچٱ داشت ،کاْ دۏتا د ڤنو نٱ کاْ د گاتی کاْ زنٱ بی د دٱس دٱ. د سال ۱۹۹۹ کور خوشٱ کاْ مٱرٱز هموفیلی داشت د دٱس دٱ ۉ هٱنی د سال ۲۰۰۵ دوختر ڤ ناتاشا سی ڤ کار گرتن بؽشرونٱ مٱڤاد موخٱدر د دۏنیا رٱت. تا ایساْ یاٛ دوختر د ڤ د جا مٱنٱ. د سال ۱۹۸۸ یاٛ مونتٱقد د ڤ نوئانوم چریک خوش لڤاس دٱئٱ بی ، مٱجلٱیی کاْ اؽ نیسسٱ د ڤ پلا بی مال دوست دمادار فوئنتس یٱئنی اوکتاڤیو پاز باٛت بٱن بی. نوئا اؽ روخ ڤٱن فوئنتس دی ڤا پاز گٱپ نزٱ ۉ هٱتا د پورس ڤ د سال ۱۹۹۸ هٱم نرٱت. فوئنتس هشتائمی سالرۊز ڤ دی اوماینشٱ د جٱم بیئن جاییزٱ گریا جاییزٱ نوبل نیسموݩ جٱشن گرت. نڤیسیار نوم دؽار مکزیکی د مراسمی ڤا بیئن گابریل گارسیا مارکز ۉ نادیٱن گوردیمر - دۏتا نڤیسیار جاییزٱگر نوبل نیسموݩ ۉ فیلیپ کالدرون، رئیس کومرٱ ڤلات مکزیک ۉ دیڤوندارؽا نوئاتری شیلی ۉ اْسپانیا، هشتائمی سالرۊز ڤ دی اوماینشٱ جٱشن گرت. ڤ د رۊز ساْ شمٱ ، ۲۶ مٱگٱرمٱ ما، ۉ د ۸۳ سالاٛیی د دۏنیا رٱت. فوئنتس سی ناخوشی قٱلبی د بیمارسوݩ جوݩ دٱ. د ری گوزارشت هوڤالگٱر آسوشیتد پرس دۏگودر فوئنتس گوت کاْ د خین ریزی مؽن لاشی داشت. موردن ڤ ڤ دٱس جولیو اورتگا، نیسنٱ زهشت نومٱ فوئنتس ۉ اوستاد آموختارکاریا اْسپانیایی دونسمٱنیجا براون، جاگٱ اؽ کاْ فوئنتس خوش د اۊچاْ فرٱ دٱرس دٱئٱ بی سالؽا هٱنی تٱسدیق بی. فیلیپ کالدرون، رئیس کومرٱ ڤلات مکزیک،د پاٛغومی د بونٱ د دۏنیا رٱتن فوئنتس گوت کاْ فوئنتس یاٛ نیسنٱ نوم دؽار ۉ جهونی بیٱ ۉ ماْ فرٱ موتاسفم.

نیسٱننڤیرایئشت

د ۲۹ سالاٛیی ٱڤلیݩ گٱپ مٱتٱل خوشاْ ڤ نوم «جاگٱیی کاْ هٱڤا سافٱ» پلا کرد.[۱] آخری گٱپ مٱتٱل ڤ نومش ڤلاد بی کاْ د گات زنٱ بیئنش پلا نۉیی.فوئنتس دبارٱ اؽ گٱپ مٱتٱل گوتٱ بی کاْ اؽ کتاو مٱتٱل زناٛیی یاٛ خینخارٱ. ڤلاد د بیئنش د اورۊپا شٱکٱت مۊئٱ ۉ مؽرٱ سی مکزیکوسیتی.[۲]

رٱڤشت نیسٱننڤیرایئشت

فوئنتس سی یٱ کاْ کاٛسم سؽوسی داشت روخ ڤٱنؽا ڤیرگار ایسنی ۉ جٱهوݩ سؽوست ناْ دٱسمایٱ مٱتٱلؽا خوش کردٱ ۉ رٱڤش نیسٱنن کاْ ڤیژٱ ڤ بی ۉ ڤا پاٛدا بیئن نڤیسیارؽا نوم دؽار اْسپانیا زڤونی چی ماریونا آزوئلا، خۊئان رولفو ۉ لائورا اْسکیبل جوݩ نازاری ڤ نیسموݩ ایسنی مکزیک دٱ ۉ نوم خوشاْ تاٛ نڤسیارؽا نوم دؽار اْسپانیایی زڤونی چی گابریل گارسیا مارکز ۉ ماریو بارگاس یوسا نیا. کارلوس فوئنتس د لا آرنگیا خوش دبارٱ ڤیرگار مکزیک کاْ ڤا دماونیا عشق ۉ مردن ۉ ڤیردیاریا شیڤسٱ ڤ یٱک چنٱ مؽ زنٱ. مۊئٱ بۊیی کاْ ڤ مکزیک نٱ د آرنگؽا خوش دۏرس کردٱ.[۳] کارلوس فوئنتس د چٱک چنٱیی کاْ ڤا مٱجلٱ نازار «پاریس ریڤیۊ» د شومارٱ ۸۲ زمسوݩ سال ۱۹۸۱ داشت رٱڤشت نیسٱنن خوشاْ چنی دؽار مؽکٱ :[۴] ماْ نیسنٱ شوسۏ ئم. د ساعت هشت ۉ نیم سۏ شورۊ مؽ کم ڤ نیسنٱن ڤا قلم ۉ تا ساعت دوڤازدٱ ۉ نیم نوئاش مؽئراٛم ۉ اۊساْ مؽ رم شنا نوئاش ڤرمؽ ئٱردم ۉ ناهاری موئورم ۉ ایڤارٱ کتاو موئونم. نوئا ڤ هٱم مؽ رم پیادٱ رٱتن تا سی نیسنٱن رۊز نوئایی آمادٱ بام. دما یٱ کاْ مٱشغۊل نیسٱنن بام ڤٱس همٱ کتاو ناْ د ڤیرم نیسٱنٱ بام. ایچاْ د پرینستون (فوئنتس د گات نوئاپورسایشت د اؽ دونسمنٱیجا درس مؽ دٱ) همیشٱ مسیری ساْ سیک ناْ سی خوم دماگری مؽکم: د هونٱ ٱنیشتٱین د خیاڤوݩ مرسر مؽراٛم، نوئا ڤ مؽراٛم د هونٱ تۊماس مان د خیاڤوݩ اْستاکتن ۉ اۊساْ نوئا ڤنو مؽراٛم ڤ هونٱ هرمان بروچ. نوئا دیئن اؽ ساٛ هونٱ مؽراٛم د هونٱ خوم ۉ گاتی کاْ مؽرٱسم ڤ هونٱ شش هٱفت تا بٱلگٱ کاْ سی سۏ ڤا بٱنؽسم د ڤیرم دارم. ٱڤٱل ڤا قٱلم مؽنیسم ۉ اۊساْ کاْ هس کردم مٱتٱل ها اۊچاْ، ڤنٱ مؽنم کناری. اۊساْ دٱسنیس ناْ غٱلٱت گؽری مؽکم ۉ خوم ڤا ماشین ڤنٱ مؽنیسم ۉ تا گات آخر ڤنٱ راس مؽکم. د گاتی کاْ مٱتٱل ناْ ری قاقٱز مؽارم د راستٱکی کار ڤ تموم بیٱ: نٱ سٱئناٛیی اؽ د قلم اوفتائٱ ۉ نٱ بٱئرجایی د ڤیرم رٱتٱ. خو دونم چی بٱنیسم فوئنتس اْئتقات داشت کاْ دٱنڳ زهشت بؽشتر مکزیکیا ڤا مشکلات، خوشۊنٱت ۉ نارازی بیئن فرٱ د هال ۉ بال خۉ شیڤسٱ ڤ یٱک ۉ مؽها کاْ یاٛ قودرٱت تازٱ د اؽ دٱنڳ ژار بیٱ.[۵]ڤ مؽگوت هٱمٱ آرنگؽاش ترس د خوشوݩ دارن.اْئساس ترس د یٱ کاْ کی د دٱر مؽا، کی اؽماناْ دۊس دارٱ، اؽما کی ناْ دۊس داریمو ۉ چ جۊر ڤ مؽرٱسیم.[۶] یٱکؽ د ساڤٱنؽا بؽشتر آرنگؽا سکس ٱ، کاْ گات ڤٱختی سیش دردسر دۏرس مؽ کردٱ. گٱپ مٱتٱل «پۊس ڤۊنن» ڤ د اْسپانیا ڤ «پورنوگرافیک، کمونیستی، زد مٱسیٱت، زد آلمان ۉ هامیندار جیدیٱت» بی نوم دؽار بیٱ ۉ سلا پلا بیئن نٱگرت.

نومگٱ کاریا فوئنتسڤیرایئشت

گٱپ مٱتٱلیاڤیرایئشت

Ceremonias del alba (۱۹۸۷) * The Campaign (۱۹۹۲) *

  • (۱۹۹۴) دار پورتقال، The Orange Tree- El naranjo
  • (۱۹۹۵) Diana: the Goddess Who Hunts Alone- Diana o la cazadora solitaria
  • (۱۹۹۶)The Crystal Frontier - La frontera de cristal
  • (۱۹۹۶) A New Time for Mexico
  • (۱۹۹۹) The Years With Laura Diaz - Los años con Laura Díaz
  • (۱۹۹۹) لائور اْدیاس، Los años con Laura Díaz - The Years With Laura Diaz، ڤالریار ٱسدالله ٱمرائی، پلاگٱ کتاوسرا تندیس
  • (۲۰۰۱) اینس، Inez - Instinto de Inez، ڤالریار ٱسدالله ٱمرایی، پلاگٱ مورڤاری
  • (۲۰۰۳) The Eagle's Throne- La Silla del Águila
  • (۲۰۰۶) هوناٛڤادٱیا خوشبٱخت، Happy Families- Todas las Familias Felices
  • (۲۰۰۸) La Voluntad y la Fortuna

مٱتٱلؽاڤیرایئشت

  • Los días enmascarados ۱۹۵۴
  • Cantar de ciegos ۱۹۶۴
  • چاک مۊل y otros cuentos ۱۹۷۳
  • Agua quemada ۱۹۸۳
  • Dos educaciones. ۱۹۹۱
  • Los hijos del conquistador ۱۹۹۴
  • La frontera de cristal. Una novela en nueve cuentos (The Crystal Frontier) ۱۹۹۵
  • کونستانسیا ڤالریار عٱڤدلله کوسٱری
  • Inquieta compañía ۲۰۰۴
  • Las Dos Elenas

تیارتڤیرایئشت

  • Todos los gatos son pardos ۱۹۷۰
  • El tuerto es rey ۱۹۷۰
  • Los reinos originarios ۱۹۷۱
  • اورکیدٱیا د شومٱ ڤالریار مٱهدی مۊسٱڤی * Orquídeas a la luz de la luna. Comedia mexicana. ۱۹۸۲
  • Ceremonias del alba ۱۹۹۰

سرچشمٱڤیرایئشت