گابریاٛل خوزاْ گارسیا مارکز Gabriel José García Márquez ڤ دی اۊمایٱ د مارس ۱۹۲۷ د رۊستا آرکاتاکا د راساگٱ سانتامارا د ڤلات کولومبیا ، رۊزنامٱنیس، پلاکار ۉ سؽوسی کار کولومبیایی ئٱ. ڤ د مؽنجا خٱلک ڤلاتؽا اْمرکا لاتین ڤا نوم گابو یا گابیتو (سٱڳ نٱجیم) نوم دؽارٱ ۉ نوئا دٱرگیر بیئن ڤا سرکومرٱ ڤلات کولومبیا ها د ڤلات مکزیک ۉ اۊچاْ زئشت مؽکٱ.

گابریاٛل گارسیا مارکز
Gabriel Garcia Marquez.jpg
گابریاٛل گارسیا مارکز د سال 2002 زایشتی
ڤ دیر اومایٱ د گابریاٛل لا دو خوزاْ کونکردیا گارسیا مارکز
۱۹۲۷ زارۊیی
آراکاتاکا، کولومبیا
د دۏنیا رٱتٱ د ۲۰۱۴ زارۊیی
مکزیکو سیتی، مکزیک
زایارٱڤٱنی کولومبیایی
ژانر گٱپ مٱتٱل؛ مٱٱتل
جۏنبش نیسمونی رئالیسم جادۊیی
آرنڳیٛا جادیٛار سٱدسال تاٛنایی، پائیز بۊئٱ کیخا
جائؽزٱیا جاییزٱ نوبل نیسموݩ
د سال1972
هومسریٛا مرسدس بارچا پدرو

اْمزا


زئشتڤیرایئشت

ڤ د سال ۱۹۴۱ زارۊیی ٱڤلین نیسسٱیا خوشاْ د یاٛ رۊزنامٱ ڤ نوم Juventude کاْ ڤیژٱ شاگردؽا دبیرسوݩ بی پلا کرد ۉ د سال ۱۹۴۷ شورۊ د ڤٱنن رشتٱ هوقۊق د دونسمٱنیجا بوگۊتا کرد ۉ ڤاش ڤا رۊزنامٱ ڤیرا آزادی اْل‌اْسپکتادور هومکاری مؽ کرد. د اؽ رۊزنامٱ بی کاْ هوڤالؽا چی مٱتٱل سرگوڤاردٱ یاٛ غٱرق بیٱ د شیڤٱ پانڤشت پلا بی.[۱]

د سال ۱۹۵۴ ڤ بی ڤ خورنیس اْل‌اْسپکتادور د روم ۉ د سال ۱۹۵۵ نوئا بٱسٱ بیئن رۊزنامٱش رٱت سی پاریس . د سٱفری کاْ د ڤلات کولومبیا د سال ۱۹۵۸ داشت ڤا نۊمزدش مرسدس بارکاپاردو عارۊسی کرد. د سالؽا مؽنجا ۱۹۵۵ تا ۱۹۶۱ ڤ چٱن ڤلات بولۊک ٱفتاونشیݩ د اورۊپا رٱت ۉ د سال ۱۹۶۱ سی زئشت رٱت سی ڤلات مکزیک .

د سال ۱۹۶۵ شورۊ کرد د نیسٱنن گٱپ متل سٱد سال تاٛنایی ۉ ڤنٱ د سال ۱۹۶۷ تٱمۊم کرد. سٱد سال تاٛنایی د بوینس آیرس پلا بی ۉ ڤ سردؽاری گٱپی ۉ ڤٱرتیٱگری سی مارکز ڤی دی آڤورد ۉ د ڤیر ۉ باڤٱر د بؽشتر نٱقدکوننٱیا شاکارٱ . ڤ د سال ۱۹۸۲ سی اؽ گٱپ مٱتٱل، جاییزٱگر جاییزٱ نوبل نیسموݩ بیٱ.[۲]

د سال ۱۹۷۰ کتاو سرگوڤاردٱ یاٛ غٱرق بیٱ ناْ د بارسلون پلا کرد ۉ د هٱمۊ سال دش پؽشناد سفیر بیئن کولومبیا د اْسپانیا دش دٱئن کاْ ڤ یٱناْ رد کرد ۉ یاٛ موسافرت تۊلدار ڤ ٱندازٱ ۲ سال ناْ د ڤلاتؽا کارائیب شورۊ کرد ۉ د تۊل اؽ گات کتاو مٱتٱل باڤٱرنٱبی یاٛنی ۉ اْنوناک اْرندیرای سادٱدل ۉ ننٱ سٱنڳدلش نیسٱنن کاْ جاییزٱ رومولوگایٱ گوس بؽترین گٱپ مٱتٱل ناْ گرت. ڤ نوئاش دۊڤارٱ رٱت د اْسپانیا تا د نزیک یاٛ ساٛلی د زۊرمٱنی فرانکو د ڤلات اْسپانیا بٱکٱ کاْ نتیجٱش گٱپ مٱتٱل پاییز بۊنٱ کیخا بی.[۳]

د ٱڤٱل دٱهٱ ۸۰ زارۊیی دۊڤارٱ رٱت د کولومبیا ڤٱلی ڤا سٱئم ڤۊنن ٱرتش کولومبیا دۊڤارٱ ڤا زٱنش ۉ دۏتا بٱچٱیاش سی رئشت رٱت سی مکزیک.

ڤ د سال ۱۹۹۹ د هال ۉ بار جا اوفتایٱیی پؽا سال اْمریکا لاتین بی ۉ د سال ۲۰۰۰ خٱلک کولومبیا ڤا کلٛ کردن نۊمٱیایی دش هاسݩ رئیس کومرٱ ڤلات شۊ بۊئٱ ڤٱلی قٱڤۊل نٱکرد.

مارکز یٱکؽ د نڤیسیارؽا پیشگوم روشد نیسموݩ ڤاقعیٱت جادۊیی ئٱ، ٱر چی نبۊئٱ هٱمٱ نڤشتٱیاشاْ د اؽ شیڤٱ دٱسٱ بٱنی بٱکی. دۏگدورؽات د سال ۲۰۱۲ گوتن کاْ مارکز ڤ درد آلزایمر موفتلا بیٱ[۴][۵] .

نیسٱیاڤیرایئشت

گٱپ مٱتٱلؽاڤیرایئشت

مٱتٱلؽا کوچکڤیرایئشت

چیا هٱنیڤیرایئشت

کوملۊس مٱتٱلؽا کوچکڤیرایئشت

د اؽروݩ چٱنتا د کوملۊس مٱتٱلؽا کوچک مارکز پلا بیٱ کاْ بؽشترشوݩ د کتاویا کوچک جٱم بیٱ ۉ نوسقٱ شیڤات داری د کتاویا ٱسلی نڤیسیار نارن.

سرچشمٱڤیرایئشت

  1. سرگوڤاردٱ یاٛ غٱرق بیٱ، ڤالرشتٱ بیٱ ڤ دٱس رزا قاٛیسٱریٱ، پلاگٱ رۊزگار اؽما،۱۳۵۹، دبارٱ نڤیسیار
  2. ڤا ساٛلی د زئشت مارکز، سومٱیا مومنی، پایگا اینترنتی سیمافیلم
  3. سرگوڤاردٱ یاٛ غٱرق بیٱ، ڤالرشتٱ بیٱ ڤ دٱس رزا قاٛیسریٱ، پلاگٱ رۊزگار اؽما،۱۳۵۹، دبارٱ نڤیسیار
  4. فرشتٱ دویر بردن ری سر گارسيا ماركز
  5. Gabriel García Márquez padecería Alzheimer - Diario EL PAIS - Montevideo - Uruguay